டேக் டைவர்ஷன்

பல்லாவாரம் மேம்பால இறக்கத்தில் தொடங்கி (துரைப்பாக்கம்-பல்லாவரம் இணைப்புச் சாலை வழி GST தொட்டதால், அங்கு தொடங்கி கவனித்ததை மட்டும் தான் சொல்ல முடியும்) ஒவ்வொரு ஐம்பது அடிக்கும் ஒரு காக்கிச் சட்டை, சந்திப்புகள் தோறும் ஓரிரு வெள்ளைச் சட்டைகள் (வாக்கி டாக்கி மற்றும் பிகிலுடன்). அனைத்து யு-டர்ன் சந்திப்புகளையும் தடுத்து, கைகளை ஆரவாரமாய் அசைத்தசைத்து வாகனங்களை எங்கும் (ஓரமாய் கூட) நிறுத்த விடாமல் விரட்டிக் கொண்டிருக்க, நானும் வேடிக்கை பார்த்துக்கொண்டே அப்படியே அவர்களின் வழிக்காட்டுதல்படி பயணி்த்து விட்டேன்.

திருமலை படத்தில் விவேக் திருப்பதி சென்றடையும் ‘டேக் டைவர்ஷன்’ காமெடி நினைவிற்கு வந்தபோது கூட, அதெல்லாம் மிகைப்படுத்தப்பட்டு சினிமாவிற்காக காட்டப்பட்டதென எனக்கு நானே நம்பிக்கை சொல்லிக் கொண்டிருக்கையில், சாலையோரப் பலகை ஒன்றில், பச்சை நிறப் பின்புலத்தில் வெள்ளையில் எழுதப்பட்டிருந்ததை படிக்க நேர்ந்தது.
.
.
.
.
.
.
அடப் பாவிகளா.. என்ன ஏன்டா பெருங்களத்தூருக்கு கூட்டிட்டு வந்தீங்க… நா MEPZ ல ரைட் எடுக்க வேண்டியவன் டா!!