நீங்க லவ் பண்றீங்க தானே?

எழுதத் தொடங்கிய காலத்தில் எனது கவிதைகளைப் படித்துவிட்டு பலரும் கேட்டிருக்கிறார்கள், “உண்மையைச் சொல்லுங்க, நீங்க லவ் பண்றீங்க தானே?” என்று. அவர்களுக்கெல்லாம் ஒரு மெல்லிய புன்னைகயை மட்டுமே பதிலாகக் கொடுத்திருக்கிறேன். 

அந்தச் சிறு புன்னகையில் அவர்கள் எதிர்பார்த்த ‘ஆமாம்’, நான் சொல்ல நினைத்த ‘இல்லை’ இரண்டும் சம அளவில் கலந்து வைத்திருப்பேன். அவரவருக்கு வேண்டிய பாதியை மட்டும் எடுத்துக் கொண்டு பதிலுக்கு சிரிப்பார்கள். அந்தச் சிரிப்புகள் ஒவ்வொன்றும், எனது அடுத்த புன்னகை எப்படி அமைய வேண்டும் என்பதற்கான திருத்தங்கள் எனப் புரிந்துக் கொண்டிருக்கிறேன்.