ஏகோபித்த ஓகோபித்த இது ‘ரேட்டிங்’ மேட்டர்!!

பொறுப்பு துறப்பு:

இப்பதிவு மொத்தமுமே நகைச்சுவை கலந்து சிந்தனைக்கு மட்டுமே தவிர யார் மனதையும் புண்படுத்த அல்ல.. அல்ல.. அல்ல.

ஷ்ஷ்ஷப்பா… ‘ல் த கா சை யா’ மாதிரி ஆகிவிட்டது இந்த அப்ரெய்சலும் ரேட்டிங் மேட்டரும். “எனக்கு வந்துடுச்சு.. உங்களுக்கு?” என்று அலுவலகமே அல்லோல படுகிறது சில நாட்களாய். இது வருடாவருடம் பிப்ரவரி மாதம் அலுவலக ஆட்களுக்கு பிடிக்கும் ஒரு வித பித்து தான் என்றாலும் சிலருடைய ஆர்வம் சகித்துக் கொள்ள முடிவதில்லை. கையும் ஓடல காலும் ஓடல ரேஞ்சுக்கு சீன் போடுகிறார்கள். சில விஷயங்களை இவர்கள் எல்லோருமே புரிந்து கொள்ள வேண்டும்.

1. செய்யும் வேலைக்கும் அப்ரெசலுக்கும் சம்மந்தம் இருக்கு ஆனா இல்ல. சிலர் விஷயத்தில், இருக்கிறதே வேற மாதிரி கூட இருக்கும். அதையெல்லாம் பெரிதாக ஆராய்ச்சி செய்து கோவப்பட்டு எகிரி முப்பது வயதில் இரத்த அழுத்தம் பெறுவதை தவிர்ப்பது உத்தமம்.

2. சூப்பர்வைசர்களுக்கு நடிக்க தெரியாதுங்க. அவங்க மேல உள்ளவங்க ‘ஆக்ஷன்’ சொன்னா பாவம் அவங்களும் என்ன தான் பண்ணுவாங்க. உண்மைய சொல்லப் போனா, அவங்களும் பல லிமிடேஷன்ஸோட டால்மேஷன்ஸ் மாதிரி தான் வாழ்ந்துட்டு இருக்காங்க. சோ, அவங்க வயசுக்கான மரியாதையாவது அவர்களுக்கு கிடைக்கட்டும்.

3. அப்ரெயிசல் ஒரு வட்டம். மொத பக்கெட்ல குளிச்சவனுக்கு மூனாவது பக்கெட் கிடைக்கும். மூனாவது பக்கெட்ல குளிச்சவனுக்கு மொத பக்கெட் கிடைக்கும். எதற்கும் வருத்தப் படாதீங்க. செமி ஃபைனல்ஸ் தோத்தா என்ன, ஃபைனல் ல பாத்துக்கலாம்.

4. இந்த அப்ரெய்சல் சைக்கில்ல ஒவ்வொரு கோடும் ஏன் ஒவ்வொரு டாக்குமெண்டும் நானே செதுக்குனது டா வசனம் எல்லாம் வேண்டாம். ஏன்னா ஸ்ட்ரெஸ் அதிகமாகி ‘சால்ட் அண்ட் பெப்பர்’ லுக் தான் மிஞ்சும்.

5. கம்பெனியையோ உங்க வேலையையோ அபிதா மாதிரி நினைச்சு உருகி அந்நியாயத்துக்கு உடலை வருத்தி எந்நேரமும் மூளைய கசக்கி வேலை செஞ்சீங்கன்னா கண்டிப்பா ஒரு நாள் நீங்க சேது ஆய்டுவீங்க. தேசிய விருது விடுங்க, அஸ்ஸோசியேட் ஆஃப் தி க்வார்டர் கூட கிடைக்காம போகலாம். வர்க் லைஃப் பேலன்ஸ் ரொம்ப முக்கியம்.

6. நீ என்ன வேல செஞ்சனே னு தெரியாமலேயே நீ ஒழுங்கா வேல செய்யல னு சொல்றவன் சூப்பர்வைசரா ஏன் கடவுளா கூட இருக்க முடியாதே. ஒருத்தன திட்டனும்னு மீட்டிங் ரூமுக்கு இழுத்துட்டு போய்ட்டு அவன் நிலைமையையும் புரிஞ்சுகிட்டு சுமூகமா பேசிட்டு வர்ற மனசு இருக்கே என்ன பொருத்த வரைக்கும் அது தான் கடவுள். அன்பே அடுத்த அப்ரெய்சல்.

7. லாஷ்ட் பட் நாட் லீஷ்ட். அதிகமா சோப் போடுற அஸோசியேட்டும் அகிகமா ரேட்டிங் போடுற சூப்பர்வைசரும் இந்த இன்டஸ்ட்ரீல நீங்க நிறைய பார்க்கலாம். பேப்பர் போடுற நாள் தெரிஞ்சு போச்சுனா வேலை செய்யுற நாள் நரகமாயிடும். நீங்க எல்லாம் நல்லா இருக்கனும் சொல்லி அந்த அருணாச்சலேஸ்வரர வேண்டி தலைவர் விடைபெறட்டும் நீங்களும் போய் உங்க வேலைய பாருங்க.

பை தி வே, கேட்க மறந்துட்டேன்..

உங்களுக்கு வந்துடுச்சா??