நான் படுக்க என் மீதே,
எனது மார்புக்கும் இடுப்பிற்கும்
இடைப்பட்ட உடற்பகுதியை
ஆக்கிரமித்துப் படுத்துறங்க
கற்றுக் கொண்டிருக்கிறாள்
என் சின்னவள்!
கை எங்கும் சிக்கிக் கொள்ளுமோ..
தாடை எலும்பு தான் வலித்திடுமோ..
இந்தக் கவலைகள் எல்லாம்
எனக்கு மட்டும் தான்!
அவ்வப்போது கொஞ்சம் சோம்பலோடு
வெளியேறும் பெருமூச்சுக்கு மட்டும்
கொஞ்சமாய் அசைகிறாளே தவிர..
அவள் தொடர்ந்து.. ஆழ்ந்து உறங்குகிறாள்!!
No comments:
Post a Comment